തൃശ്ശൂര്‍: സമസ്ത കേരള ജംഇയ്യത്തുല്‍ ഉലമയുടെ കേന്ദ്ര മുശാവറയിലേക്ക് തെരഞ്ഞെടുക്കപ്പെട്ട സയ്യിദ് മുഹമ്മദ് കോയ ബഅലവി അല്‍ഖാസിമി (എസ്.എം.കെ തങ്ങള്‍)യെയും, ശൈഖുന ചെറുവാളൂര്‍ ഹൈദ്രോസ് മുസ്‌ലിയാരെയും എസ്.കെ.എസ്.എസ്.എഫ് തൃശൂര്‍ ജില്ലാ കമ്മിറ്റിയുടെ നേതൃത്വത്തില്‍ ഇന്ന് ചെന്ത്രാപ്പിന്നിയില്‍ വെച്ച് ആദരിക്കും.
എസ്.എം.കെ തങ്ങള്‍ നിലവില്‍ സമസ്തയുടെ തൃശൂര്‍ ജില്ലാ പ്രസിഡന്റാണ്, ചെറുവാളൂര്‍ ഉസ്താദ് സുന്നി മഹല്ല് ഫെഡറേഷന്‍ ജില്ലാ പ്രസിഡന്റ് സമസ്ത കേരള ജംഈയ്യത്തുല്‍ മുദരിസീ ജില്ലാ പ്രസിഡന്റ് തുടങ്ങി വിവിധ സംഘടനകളുടെയും നേതൃത്വനിരയില്‍ പ്രവര്‍ത്തിക്കുന്നു.
തൃശൂര്‍ ജില്ലയില്‍ നിന്നും സമസ്തയുടെ കേന്ദ്ര മുശാവറയിലേക്ക് തെരഞ്ഞെടുക്കപ്പെട്ട പ്രഗത്ഭ പണ്ഠിതരായ സമസ്തയുടെ ജില്ലാ നേതാക്കളെ ആദരിക്കുന്ന ചടങ്ങില്‍ പ്രമുഖ നേതാക്കള്‍ സംബന്ധിക്കുമെന്ന് എസ്.കെ.എസ്.എസ്.എഫ് ജില്ലാ കമ്മിറ്റി ഭാരവാഹികള്‍ അറിയിച്ചു.