റിപ്പണ്‍: ആയിരത്തോളം തോട്ടം തൊഴിലാളികള്‍ ജോലി ചെയ്യുന്ന പോഡാര്‍ പ്ലാന്റേഷന്റെ റിപ്പണ്‍, നെല്ലിമുണ്ട, ഓടത്തോട് ഡിവിഷനുകളില്‍ തൊളിലാളികള്‍ക്ക് വിഷു ആയിട്ടും ശമ്പളം നല്‍കിയില്ല. എല്ലാ മാസവും 10ന് നല്‍കേണ്ട ശമ്പളം കുറച്ച് കാലങ്ങളായി മാനേജ്‌മെന്റ് 20ന് ശേഷമാണ് നല്‍കിക്കൊണ്ടിരിക്കുന്നത്.
ആഴ്ച്ച തോറും നല്‍കി കൊണ്ടിരുന്ന പണം പോലും ഒരു മാസത്തോളമായി നല്‍കുന്നില്ല. മാനേജ് മെന്റിന്റെ ഈ നടപടിക്ക് എതിരെ ബി.എം.എസ് റിപ്പണ്‍ യൂനിറ്റ് കമ്മിറ്റി പ്രതിഷേധിച്ചു. യോഗത്തില്‍ യൂനിറ്റ് പ്രസിഡന്റ് കെ. മോഹനന്‍ അധ്യക്ഷനായി. എ. ഹരി, ഭാസ്‌ക്കരന്‍, വി. ശിവദാസന്‍, വി.കെ ഭാസ്‌ക്കരന്‍ സംസാരിച്ചു.