പാരിസ്: നിലവിലെ ചാംപ്യന്‍മാരായ മൊണാക്കോയെ സ്വന്തം തട്ടകത്തില്‍ ഒന്നിനെതിരേ ഏഴ് ഗോളുകള്‍ക്ക് തകര്‍ത്തെറിഞ്ഞ് പാരിസ് സെന്റ് ജെര്‍മെയ്ന്‍ ഫ്രഞ്ച് ലീഗ് വണ്‍ കിരീടം തിരിച്ചുപിടിച്ചു. ആറ് സീസണിനിടെ പി.എസ്.ജിയുടെ അഞ്ചാം ലീഗ് വണ്‍ കിരീടമാണിത്.
എയ്ഞ്ചല്‍ ഡി മരിയ, സെല്‍സോ എന്നിവര്‍ ഇരട്ട ഗോളുകള്‍ നേടിയപ്പോള്‍ കവാനി, ഡ്രാക്‌സലര്‍ എന്നിവരും പി.എസ്.ജിക്കായി വല ചലിപ്പിച്ചു. ശേഷിച്ചൊരു ഗോള്‍ മൊണാക്കോ നായകന്‍ റഡാമല്‍ ഫാല്‍ക്കാവോ സെല്‍ഫിലൂടെ ദാനമായും നല്‍കി.