കൊല്ലം: ജില്ലയിലെ കൊളജ് വിദ്യര്‍ഥികള്‍ക്കും നിര്‍മാണ, മത്സ്യ ബന്ധന തൊഴിലാളികള്‍ക്കും വ്യാപകമായ രീതിയില്‍ കഞ്ചാവു വില്‍പന നടത്തുന്ന സംഘത്തിലെ ഒരു സ്ത്രീയെ കൊല്ലം സിറ്റി പൊലിസ് കമ്മിഷണര്‍ ശ്രീനിവാസിന് ലഭിച്ച രഹസ്യ വിവരത്തെ തുടര്‍ന്ന് ഷാഡോ പൊലിസ് സംഘം അറസ്റ്റ് ചെയ്തു.
കൊല്ലം ശക്തികുളങ്ങര സരള ഭവനില്‍ രാഗിലത(32) ആണ് പിടിയിലായത്. ഇവര്‍ രണ്ടു മാസം മുമ്പ് 5 കിലോ കഞ്ചാവുമായി കരുനാഗപ്പള്ളി എക്‌സൈസ് സംഘത്തിന്റെ പിടിയിലായിരുന്നു. തുടര്‍ന്ന് കഴിഞ്ഞ മാസം ജയില്‍ മോചിതയായ ഇവര്‍ വീണ്ടും ഈ തൊഴില്‍ തുടരുകയായിരുന്നു.
തമിഴ് നാട്ടില്‍ നിന്നും ട്രെയിന്‍ മാര്‍ഗം 5 വയസുള്ള മകനുമായി യാത്ര ചെയ്യുന്നതിനിടയിലാണ് കഞ്ചാവ് കടത്തുന്നത്.
തുടര്‍ന്ന്! ഫോണിലൂടെ അവശ്യപെടുന്നവര്‍ക്ക് സന്ധ്യ സമയത്ത് എത്തിച്ച് കൊടുക്കുന്നതാണ് ഇവരുടെ രീതി.
ജില്ലയില്‍ മയക്കുമരുന്ന് വിരുദ്ധ സംഘമായ ഡാന്‍സാഫ് രൂപീകരിച്ച ശേഷം ഈ മാസം നടത്തുന്ന മൂന്നാമത്തെ വലിയ കഞ്ചാവ് വേട്ടയാണിത്. കൊല്ലം ഈസ്റ്റ് സി.ഐ മഞ്ചു ലാല്‍, വനിതാ എസ.്‌ഐ അനിത കുമാരി, ഈസ്റ്റ് എസ.്‌ഐ അബ്ദുള്‍ റഹ്മാന്‍, ഷാഡോ എസ്.ഐ വിപിന്‍ കുമാര്‍, എസ്.സി.പി.ഒ ശ്രീനിവാസന്‍, എന്നിവരുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.