എടപ്പാള്‍: കാശ്മീരില്‍ എട്ടു വയസുകാരി ക്രൂരമായി കൊലചെയ്യപ്പെട്ടതില്‍ പ്രതിഷേധിച്ച് നടത്തിയ ജനകീയ ഹര്‍ത്താല്‍ എടപ്പാളില്‍ പൂര്‍ണവും സമാധാനപരവുമായിരുന്നു.
കാലത്ത് സാധാരണ രീതിയില്‍ തുടങ്ങിയ ദിനം പത്തോടെ ഹര്‍ത്താലിന്റെ പിടിയിലായി. രാവിലെ സ്വകാര്യ ബസുകള്‍ സര്‍വിസ് നടത്തിയെങ്കിലും ഹര്‍ത്താലനുകൂലികള്‍ വാഹനങ്ങള്‍ തടയാനാരംഭിച്ചതോടെ സര്‍വിസ് അവസാനിപ്പിച്ചു. കെ.എസ്.ആര്‍.ടി.സി ബസുകളും ചുരുക്കം ചില ദീര്‍ഘദൂരസ്വകാര്യ ബസുകളും ഓട്ടോകളും സര്‍വിസ് നടത്തിയെങ്കിലും ഉച്ചയോടെ അതും അവസാനിച്ചു.
ഹര്‍ത്താലനുകൂലികള്‍ കടകളടപ്പിക്കുകയും പ്രകടനം നടത്തുകയും ചെയ്തു.