പൂക്കോട്ടുംപാടം: ജോലിയിലേര്‍പ്പെട്ടയാള്‍ക്ക് സൂര്യാതപമേറ്റു. പാറക്കപ്പാടം നീതു സദനത്തില്‍ രത്‌നകുമാരന്‍ നായര്‍ (56)ക്കാണ് ഇരുകൈകളിലും സൂര്യാതപമേറ്റത്. ശനിയാഴ്ച ഉച്ചയോടെയാണ് സംഭവം. എടവണ്ണ ഫര്‍ണിച്ചര്‍ ജോലിയെടുക്കുന്ന രത്‌നകുമാരന്‍ അര മണിക്കൂറോളം വെയില്‍ കൊണ്ടിരുന്നു. ഇതേ തുടര്‍ന്ന് കൈകളില്‍ കലശലായ ചൊറിച്ചില്‍ അനുഭവപ്പെടുകയും ചെയ്തു.
വീട്ടിലെത്തിയപ്പോഴേക്കും രത്‌നകുമാരന്റെ കൈകള്‍ തടിച്ചു പൊള്ളയ്ക്കുകയുമായിരുന്നു. ഉടനെ പൂക്കോട്ടുംപാടത്തെ സ്വകാര്യാശുപത്രിയില്‍ കാണിച്ചപ്പോള്‍ സൂര്യാതപമേറ്റതാണെന്ന് സ്ഥിരീകരിക്കുകയും മരുന്ന് നല്‍കി വിട്ടയയ്ക്കുകയും ചെയ്തു .