പെരിന്തല്‍മണ്ണ: ആനമങ്ങാട് ജനവാസ കേന്ദ്രത്തില്‍ കോഴിമാലിന്യം തള്ളി. രാത്രിയുടെ മറവില്‍ ആനമങ്ങാട് റൈസ് മില്ലിന് സമീപത്താണ് കോഴി മാലിന്യം ലോറിയില്‍ കൊണ്ടുവന്ന് തള്ളിയത്.സ്വകാര്യ വ്യക്തിയുടെ പറമ്പിലാണ് മാലിന്യം തള്ളിയത്. മാലിന്യം തള്ളിയ നിമിഷങ്ങള്‍ക്കകം പ്രദേശത്ത് രൂക്ഷമായദുര്‍ഗന്ധം പരന്നു. ദുര്‍ഗന്ധം അസഹ്യമായതോടെ നാട്ടുകാര്‍ പൊലിസിനും പഞ്ചായത്ത് അധികൃതര്‍ക്കും പരാതി നല്‍കി.
തുടര്‍ന്ന് പഞ്ചായത്ത് അധികൃതര്‍ മാലിന്യം സംസ്‌കരിച്ചു. ഈ ഭാഗത്ത് മുന്‍പും മാലിന്യം തള്ളിയ സംഭവം ഉണ്ടായിട്ടുണ്ട്. കാരണക്കാര്‍ക്കെതിരേ ശക്തമായ നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.