ദുബൈ: കരീബിയന്‍ ദ്വീപ് സമൂഹങ്ങളില്‍ കഴിഞ്ഞ വര്‍ഷം വീശിയടിച്ച ചുഴലിക്കാറ്റില്‍ തകര്‍ന്ന സ്റ്റേഡിയങ്ങളുടെ പുനരുദ്ധാരണത്തിനായി ചാരിറ്റി മത്സരം സംഘടിപ്പിക്കുന്നു. ലോക ഇലവനും വെസ്റ്റിന്‍ഡീസും തമ്മിലാണ് മത്സരം. മെയ് 31ന് ലോര്‍ഡ്‌സില്‍ വച്ചാണ് പോരാട്ടം. പാകിസ്താന്‍ മുന്‍ നായകന്‍ ഷാഹിദ് അഫ്രീദി, ഷൊയിബ് മാലിക് എന്നിവര്‍ ലോക ഇലവനില്‍ കളിക്കുമെന്ന് ഉറപ്പായിട്ടുണ്ട്. വെസ്റ്റിന്‍ഡീസ് ടീമിനെ കാര്‍ലോസ് ബ്രാത്‌വെയ്റ്റാണ് നയിക്കുന്നത്. ക്രിസ് ഗെയ്ല്‍, മെര്‍ലോന്‍ സാമുവല്‍സ്, ആന്ദ്ര റസ്സല്‍ അടക്കമുള്ള താരങ്ങളും ടീമില്‍ അണിനിരക്കും. ലോക ഇലവനെ ഇംഗ്ലണ്ട് താരം ഇയാന്‍ മോര്‍ഗന്‍ നയിക്കും. മറ്റ് ടീമംഗങ്ങളെ സംബന്ധിച്ച കൂടുതല്‍ വിവരങ്ങള്‍ വരും ദിവസങ്ങളില്‍ പ്രഖ്യാപിക്കും.