മാഞ്ചസ്റ്റര്‍: ഇന്ത്യയില്‍ അരങ്ങേറിയ ഫിഫ അണ്ടര്‍ 17 ലോകകപ്പിനിടെ സഹ താരം വംശീയമായി അധിക്ഷേപിക്കപ്പെട്ടതായുള്ള ഇംഗ്ലണ്ട് താരത്തിന്റെ വെളിപ്പെടുത്തലില്‍ അന്വേഷണം വേണ്ടെന്ന് ഫിഫ. ഫൈനല്‍ മത്സരത്തിനിടെ സ്പാനിഷ് താരങ്ങളിലൊരാള്‍ മോര്‍ഗാന്‍ ഗിബ്‌സിനെ വംശീയമായി അധിക്ഷേപിച്ചതായി ഒരു അഭിമുഖത്തില്‍ സഹ താരം റിയാന്‍ ബ്രെസ്റ്റര്‍ ആരോപിച്ചിരുന്നു. ഇതേ തുടര്‍ന്നാണ് ഫിഫ അന്വേഷണം പ്രഖ്യാപിച്ചത്. എന്നാല്‍ ഇത്തരമൊരു സംഭവം നടന്നതിന് തെളിവില്ലെന്ന് ചൂണ്ടിക്കാട്ടിയാണ് അന്വേഷണം അവസാനിപ്പിക്കാന്‍ ഫിഫ ഇപ്പോള്‍ തീരുമാനിച്ചത്.