പേരാമ്പ്ര: ജനക്ഷേമ പ്രവര്‍ത്തനങ്ങളിലൂടെ സാധാരണക്കാരുടെ പ്രശ്‌നങ്ങളില്‍ ഇടപെടാനും പാവപ്പെട്ടവരുടെ കണ്ണീരൊപ്പാനും രാഷ്ട്രീയ പ്രവര്‍ത്തകര്‍ തയാറാകണമെന്ന് പാണക്കാട് സയ്യിദ് സാദിഖ് അലി ശിഹാബ് തങ്ങള്‍. ചെറിയ കുമ്പളം ശാഖ മുസ്‌ലിം ലീഗ് നിര്‍മിച്ച ബൈത്തുറഹ്മയുടെ താക്കോല്‍ ദാനം നിര്‍വഹിച്ചു സംസാരിക്കുകയായിരുന്നു അദ്ദേഹം. എ.കെ അബ്ദുല്ല അധ്യക്ഷനായി. ആനേരി നസീര്‍ റിപ്പോര്‍ട്ട് അവതരിപ്പിച്ചു.
അബ്ദു റഹ്മാന്‍ രണ്ടത്താണി മുഖ്യ പ്രഭാഷണം നടത്തി. എം.എ റസാഖ്, സി.പി എ അസീസ്, സി.കെ നാസര്‍, കല്ലൂര്‍ മുഹമ്മദലി, പാളയാട്ട് ബഷീര്‍, അസീസ് ഫൈസി, കെ.ടി അബ്ദുല്‍ ലത്തീഫ്, സയ്യിദ് അലി തങ്ങള്‍, ശിഹാബ് കന്നാട്ടി, എന്‍.സി അസീസ്, പി.എം ബഷീര്‍, പി.കെ നിസാര്‍ സംസാരിച്ചു.