കാവാലം: ലിസ്യൂ ഇടവക പള്ളിയില്‍ വിശുദ്ധ കൊച്ചുത്രേസ്യായുടെ തിരുനാള്‍ 26 മുതല്‍ 29 വരെ നടക്കും. തിരുനാളിന് ഒരുക്കമായി നൊവേന ആരംഭിച്ചു. ഇന്നു മുതല്‍ 25 വരെ വൈകിട്ട് നാലു മുതല്‍ രാത്രി ഒമ്പതുവരെ വാര്‍ഷിക ധ്യാനം നടക്കും. 24ന് വൈകിട്ട് 4.30 ന് വികാരി ഫാ. തോമസ് കൊച്ചെളേച്ചംകളം കൊടിയേറ്റും. ആറിന് ഇടവക ദിനാഘോഷത്തില്‍ ചങ്ങനാശേരി അതിരൂപതാ സഹായമെത്രാന്‍ മാര്‍ തോമസ് തറയില്‍ സന്ദേശം നല്‍കും.
ജില്ലാ പൊലിസ് മേധാവി എസ്. സുരേന്ദ്രന്‍ മുഖ്യാതിഥിയാകും. 27ന് മരിച്ച വിശ്വാസികളുടെ അനുസ്മരണം അതിരൂപതാ വികാരി ജനറാള്‍ ഡോ. ഫിലിപ്‌സ് വടക്കേക്കളം നിര്‍വഹിക്കും. തുടര്‍ന്ന് ദീപ പ്രദക്ഷിണം. 28ന് രാവിലെ 6.45ന് സപ്ര, പരിശുദ്ധ കുര്‍ബാന സ്വീകരണം. മധ്യസ്ഥ പ്രാര്‍ഥനയ്ക്ക് അതിരൂപതാ ചാന്‍സിലര്‍ ഡോ. ഐസക് ആലഞ്ചേരില്‍ മുഖ്യകാര്‍മികനാകും. വൈകിട്ട് ഏഴിന് കുരിശടിയിലേക്ക് പ്രദക്ഷിണം. പ്രധാന തിരുനാള്‍ ദിനമായ 29ന് രാവിലെ 6.45ന് ദിവ്യബലി, 10-ന് ആഘോഷമായ തിരുനാള്‍ കുര്‍ബാനയ്ക്ക് അതിരൂപതാ വികാരി ജനറാള്‍ ഡോ. ജെയിംസ് പാലയ്ക്കല്‍ മുഖ്യകാര്‍മികനായിരിക്കും. എസ്.ബി കോളജ് പ്രിന്‍സിപ്പല്‍ ഡോ. ടോമി പടിഞ്ഞാറേവീട്ടില്‍ പ്രസംഗിക്കും. തുടര്‍ന്ന് തിരുനാള്‍ പ്രദക്ഷിണം, ത്രേസ്യാ നാമധാരികളെ ആദരിക്കല്‍ എന്നിവ നടക്കും.
ജോര്‍ജ് ജോസഫ്, ത്രേസ്യാമ്മ ജോസഫ്, ബെന്‍സി ജോര്‍ജ് അറയ്ക്കല്‍ എന്നിവരാണ് പ്രസുദേന്തിമാര്‍. തിരുനാളിന് ഒരുക്കങ്ങള്‍ പൂര്‍ത്തിയായതായി വികാരി ഫാ. തോമസ് കൊച്ചെളേച്ചംകളം അറിയിച്ചു.