കൊച്ചി: വരാപ്പുഴ കസ്റ്റഡി മരണത്തില്‍ അറസ്റ്റിലായ മൂന്ന് ആര്‍.ടി.എഫ് ഉദ്യോഗസ്ഥരെ തിരിച്ചറിയല്‍ പരേഡിന് വിധേയമാക്കും. മരിച്ച ശ്രീജിത്തിന്റെ കുടുംബാംഗങ്ങളേയും അയല്‍വാസികളെയും പരേഡിനെത്തിക്കും. ശ്രീജിത്തിനെ കസ്റ്റഡിയില്‍ എടുത്തത് ഇവര്‍ തന്നെയാണോ എന്നറിയാനാണ് പരേഡ്.

ഇപ്പോള്‍ റിമാന്‍ഡിലുള്ള എസ്.ഐ ദീപക്കിനെ തിരിച്ചറിയല്‍ പരേഡ് നടത്തില്ല.

അതേസമയം, വരാപ്പുഴ സ്റ്റേഷനിലെ എ.എസ്.ഐയെയും മറ്റു പൊലിസ് ഉദ്യോഗസ്ഥരെയും ഇന്ന് ചോദ്യംചെയ്യുന്നുണ്ട്. ആവുല പൊലിസ് ക്ലബ്ബിലെത്തിച്ചാണ് ചോദ്യംചെയ്യുന്നത്.