ഇറാൻ,ഇസ്രാഈൽ സംഘർഷത്തെ തുടർന്ന് മിഡിൽ ഈസ്റ്റിൽ പല ഭാഗങ്ങളിലും വ്യോമപാതകൾ അടച്ചതിനാൽ യുഎഇ ആസ്ഥാനമായുള്ള എയർലൈനുകൾ നിരവധി വിമാനങ്ങൾ റദ്ദാക്കുകയും വഴിതിരിച്ചുവിടുകയും ചെയ്തു. അബുദബി ആസ്ഥാനമായുള്ള ഇത്തിഹാദ് എയർവേയ്‌സ് ചൊവ്വാഴ്ചയും (ഒക്‌ടോബർ 1) ബുധനാഴ്ചയും (ഒക്‌ടോബർ 2) വിമാനങ്ങളുടെ വഴിമാറ്റി വിടുന്നതായി അറിയിപ്പ് നൽകി. ഇസ്രാഈലിനെതിരായ ഇറാൻ മിസൈൽ ആക്രമണത്തെ തുടർന്ന് ഇസ്രാഈൽ, ജോർദാൻ, ഇറാഖ്, ലെബനൻ എന്നിവിടങ്ങളിലെ വ്യോമപാതകൾ ചൊവ്വാഴ്ച അടച്ചുപൂട്ടിയത്. “വരും ദിവസങ്ങളിൽ നിരവധി വിമാനങ്ങൾക്ക് ചില തടസ്സങ്ങളും കാലതാമസവും ഉണ്ടാക്കാൻ സാധ്യതയേറേയാണ്” എന്നും ഇത്തിഹാദ് മുന്നറിയിപ്പ് നൽകിയിട്ടുണ്ട്. ഇത്തിഹാദ് എയർവേയ്‌സ് ഫ്ലൈറ്റുകൾ അംഗീകൃത വ്യോമാതിർത്തിയിലൂടെ മാത്രമേ സർവ്വീസ് നടത്തൂ, സുരക്ഷയാണ് ഞങ്ങളുടെ ഏറ്റവും ഉയർന്ന മുൻഗണന, അത് സുരക്ഷിതമല്ലെങ്കിൽ ഞങ്ങൾ ഒരിക്കലും ഒരു വിമാനം പ്രവർത്തിപ്പിക്കില്ല,” അബുദബി ആസ്ഥാനമായുള്ള കാരിയർ കൂട്ടിച്ചേർത്തു: “എയർലൈൻ സുരക്ഷയും എയർസ്‌പേസ് അപ്‌ഡേറ്റുകളും തുടർച്ചയായി നിരീക്ഷികകുകയാണ്. etihadcom-ൽ തങ്ങളുടെ ഫ്ലൈറ്റ് സ്റ്റാറ്റസ് പരിശോധിക്കാൻ ഇത്തിഹാദ് ഉപഭോക്താക്കളോട് അഭ്യർത്ഥിച്ചു. യാത്രാ ക്രമീകരണം മാറ്റാൻ ആഗ്രഹിക്കുന്ന യാത്രക്കാർ ഇത്തിഹാദ് എയർവേയ്‌സ് കോൺടാക്റ്റ് സെൻ്ററുമായോ (+971) 600 555 666 എന്ന നമ്പറിലോ അവരുടെ ട്രാവൽ ഏജൻ്റുമാരുമായോ ബന്ധപ്പെടാൻ അറിയിപ്പും നൽകിയിട്ടുണ്ട്.

പ്രാദേശിക വിമാനക്കമ്പനിയായ ഫ്ലൈ ദുബൈ ഈ മേഖലയിൽ വർദ്ധിച്ചുവരുന്ന സംഘർഷങ്ങളിലും യുദ്ധഭീതിയേയും തുടർന്ന് ചില വിമാനങ്ങൾ വഴിതിരിച്ചുവിടുകയും റദ്ദാക്കുകയും ചെയ്തു. അമ്മാൻ ഇൻ്റർനാഷണൽ എയർപോർട്ടിലേക്കുള്ള FZ 143 വിമാനവും അങ്കാറ ഇൻ്റർനാഷണൽ എയർപോർട്ടിലേക്കുള്ള FZ 157 വിമാനവും (ഇഎസ്‌ബി) ദുബൈയിലേക്ക് തിരിച്ചു. ഇസ്താംബുൾ ഇൻ്റർനാഷണൽ എയർപോർട്ടിൽ നിന്ന് (IST) ദുബൈ ഇൻ്റർനാഷണലിലേക്ക് (DXB) പോകുന്ന ഫ്ലൈ ദുബൈ FZ 728 ഇസ്താംബൂളിലേക്ക് മടങ്ങി. ജോർദാൻ, ഇറാഖ്, ഇസ്രാഈൽ, ഇറാൻ എന്നിവിടങ്ങളിലേക്കുള്ള ഫ്ലൈ ദുബൈ വിമാനങ്ങൾ (ബന്ദർ അബ്ബാസ്, കിഷ്, ലാർ എന്നിവ ഒഴികെ) ഒക്ടോബർ 2, 3 തീയതികളിൽ റദ്ദാക്കി. 

ഈ ലക്ഷ്യസ്ഥാനങ്ങളിലേക്ക് കണക്‌റ്റ് ചെയ്യുന്ന യാത്രക്കാരെ അവരുടെ സുരക്ഷയെ മുൻ നിർത്തി തുടർന്നുള്ള യാത്രയ്ക്ക് സ്വീകരിക്കില്ലെന്ന് എയർലൈൻ പ്രസ്താവനയിൽ അറിയിച്ചു.”ഞങ്ങൾ സ്ഥിതിഗതികൾ സൂക്ഷ്മമായി നിരീക്ഷിച്ച് അതിനനുസരിച്ച് ഞങ്ങളുടെ വിമാനം ഷെഡ്യൂൾ ചെയ്യുന്നത് തുടരുന്നു. ഞങ്ങളുടെ യാത്രക്കാരുടെയും ജീവനക്കാരുടെയും സുരക്ഷയാണ് ഞങ്ങളുടെ മുൻഗണന. യാത്രാ പദ്ധതികളെ ബാധിച്ച ഞങ്ങളുടെ യാത്രക്കാരുമായി ഞങ്ങൾ നേരിട്ട് ബന്ധപ്പെടുന്നു,” കാരിയർ കൂട്ടിച്ചേർത്തു. 

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക