ഡല്‍ഹി: ഇസ്‌റാഈലിനെതിരെ ചൊവ്വാഴ്ച ഇറാന്‍ നടത്തിയ മിസൈലാക്രമണങ്ങളുടെ പശ്ചാത്തലത്തില്‍ ഡല്‍ഹിയിലെ ഇസ്രയേല്‍ എംബസിയുടെ സുരക്ഷ വര്‍ധിപ്പിച്ചു. എംബസിയ്ക്കുള്ളിലും സമീപത്തും പട്രോളിങ് വര്‍ധിപ്പിച്ചു, കൂടാതെ പൊലിസ് സേനയുടെ ഒരു സംഘത്തെ എംബസി സുരക്ഷക്കായി വിന്യസിച്ചുവെന്നും ഡല്‍ഹി പൊലിസ് അധികൃതര്‍ വ്യക്തമാക്കി.

ഇസ്‌റാഈല്‍-ഹമാസ് യുദ്ധം ആരംഭിച്ച സമയത്തുതന്നെ ഇസ്‌റാഈല്‍ എംബസിയുടെ സുരക്ഷ വര്‍ധിപ്പിച്ചിരുന്നു. ഹമാസ് തലവന്‍ ഇസ്മയില്‍ ഹനിയെയുടെ വധത്തെ തുടര്‍ന്നുള്ള ഇന്റലിജന്‍സ് മുന്നറിയിപ്പുകള്‍ കണക്കിലെടുത്ത് ഇസ്‌റാഈല്‍ എംബസിയുടേയും ചബാദ് ഹൗസിന്റേയും സുരക്ഷ ഓഗസ്റ്റ് മാസത്തില്‍ ഡല്‍ഹി പൊലിസ് പുനഃപരിശോധിച്ചിരുന്നു. സംശയാസ്പദമായ രീതിയില്‍ 2021ലും 2023ലും ഇസ്‌റാഈല്‍ എംബസിയ്ക്ക് സമീപം സ്‌ഫോടനങ്ങള്‍ നടന്നിരുന്നു. ഇരുഫോടനങ്ങളിലും ആളപായം സംഭവിച്ചിരുന്നില്ല.

 India enhances security measures for the Israeli Embassy in Delhi as a precautionary measure following Iran's missile attack, amidst escalating Middle East tensions.