തിരുവനന്തപുരം: എഡിജിപി അജിത് കുമാറിനെ ക്രമസമാധാന ചുമതലയില്‍ നിന്ന് മാറ്റണമെന്ന നിലപാട് കടുപ്പിച്ച് സിപിഐ. സിപിഐ സംസ്ഥാന സെക്രട്ടറി ബിനോയ് വിശ്വം മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയിലാണ് സിപിഐ നിലപാട് ആവര്‍ത്തിച്ചത്. നാളെ സിപിഎം-സിപിഐ നേതൃയോഗങ്ങള്‍ ചേരാനിരിക്കുന്നതിന് മുന്നോടിയായി ആയിരുന്നു നിര്‍ണായക കൂടിക്കാഴ്ച.

തിരുവനന്തപുരം എകെജി സെന്ററില്‍ നടന്ന കൂടിക്കാഴ്ചയില്‍ ഡിജിപിയുടെ റിപ്പോര്‍ട്ട് കിട്ടിയിട്ടില്ലെന്നും റിപ്പോര്‍ട്ട് വരട്ടെ അതിനുശേഷം തീരുമാനിക്കാമെന്നുമാണ് ബിനോയ് വിശ്വത്തിന് മുഖ്യമന്ത്രി നല്‍കിയ മറുപടി. എഡിജിപിക്കെതിരായ ആരോപണങ്ങളിലെ അന്വേഷണ റിപ്പോര്‍ട്ട് നാളെ ഡിജിപി സമര്‍പ്പിക്കാന്‍ ഇരിക്കെയാണ് കൂടിക്കാഴ്ച. 

മറ്റന്നാള്‍ നിയമസഭ സമ്മേളനം തുടങ്ങുന്നതിന് മുമ്പ് എഡിജിപിയെ മാറ്റണമെന്നതായിരുന്നു സിപിഐയുടെ നേരത്തെയുള്ള നിലപാട്. എഡിജിപിക്കെതിരെ നടപടിയുണ്ടായില്ലെങ്കില്‍ കടുത്ത നടപടിയിലേക്ക് കടക്കേണ്ടിവരുമെന്നാണ് സിപിഐയുടെ മുന്നറിയിപ്പ്. എഡിജിപിയെ മാറ്റാതെ പറ്റില്ലെന്ന നിലപാട് അന്ത്യശാസനമെന്ന നിലയിലാണ് വീണ്ടും സിപിഐ ആവര്‍ത്തിച്ചത്.

The Communist Party of India (CPI) has reiterated its stance on removing the Additional Director General of Police (ADGP), with the Chief Minister announcing a decision after receiving the Director General of Police (DGP) report.