മുതലക്കോടം: ജമ്മു കാശ്മീരിലെ കത്‌വയില്‍ എട്ടു വയസുകാരി പെണ്‍കുട്ടിയെ മൃഗീയമായി പീഡിപ്പിച്ചു കൊലപ്പെടുത്തിയതില്‍ പ്രതിഷേധിച്ച് സമസ്ത കേരളാ സുന്നി ബാലവേദിയുടെ നേതൃത്വത്തില്‍ പഴേരി അന്‍സാറുല്‍ ഇസ്‌ലാം മദ്‌റസയില്‍ പ്രതിഷേധക്കൂട്ടം സംഘടിപ്പിച്ചു. പ്രതിഷേധക്കൂട്ടം പഴേരി മുഹ്‌യുദ്ദീന്‍ ജുമാ മസ്ജിദ് ഇമാം മുഹമ്മദ് ഹനീഫ് കാശിഫി ഉദ്ഘാടനം ചെയ്തു.
മഹല്ല് പ്രസിഡന്റ് കെ.എസ് ഹസ്സന്‍കുട്ടി അധ്യക്ഷനായ യോഗത്തില്‍ മൈതീന്‍കുട്ടി ഉസ്താദ് പ്രാര്‍ഥന നടത്തി. തുടര്‍ന്ന് പ്രതിഷേധ ജ്വാല, പ്രമേയ അവതരണം, കത്‌വ കുട്ടിയെക്കുറിച്ചുള്ള കവിത പാരായണം , ഐക്യ ധാര്‍ഡ്യ പ്രഭാഷണം എന്നിവക്ക് സുന്നി ബാല വേദിയുടെ ഭാരവാഹികളായ ആഷിഖ് ലത്തീഫ്, ഫിദ ഷംസുദ്ധീന്‍, ഷറഫിയ സിദ്ധീഖ്, നാസിം നൗഷാദ് നേതൃത്വം നല്‍കി. ജമാഅത്ത് ഭാരവാഹികളായ കെ ബി അസീസ് , പി എച്ച് സുധീര്‍ , പി ഇ നൗഷാദ്, പി ഇ ബഷീര്‍ സംസാരിച്ചു.