മുംബൈ: ഐ.പി.എല്‍ ടീമായ ഡല്‍ഹി ഡയര്‍ ഡെവിള്‍സ് സ്ഥാനത്ത് നിന്ന് നായകന്‍ ഗൗതം ഗംഭീര്‍ രാജിവച്ചു. സീസണില്‍ ടീമിന്റെ മോശം പ്രകടനത്തെ തുടര്‍ന്നാണ് രാജിയെന്ന് പ്രസ് കോണ്‍ഫറന്‍സില്‍ ഗൗതംഗംഭീര്‍ പറഞ്ഞു.

ഐ.പി.എല്ലിന്റെ കഴിഞ്ഞ സീസണ്‍ വരെ കൊല്‍ക്കത്തയുടെ നായകനായിരുന്നു ഗംഭീര്‍. ഇത്തവണ ഡല്‍ഹിയുടെ നായകനായെങ്കിലും ആറു കളികളില്‍ നിന്ന് ഒരു ജയം മാത്രമാണ് ഡല്‍ഹിക്ക് ഗംഭീറിന്റെ നായകതത്വത്തില്‍ സ്വന്തമാക്കാനായത്. പോയിന്റ് പട്ടികയില്‍ എട്ടാം സ്ഥാനത്താണ് ഡല്‍ഹിയിപ്പോള്‍. രാജിവച്ച ഗംഭീറിന് പകരം ശ്രേയസ് അയ്യരാണ് ഡല്‍ഹിയുടെ പുതിയ നായകന്‍.