മഞ്ചേരി: കേരള പ്രദേശ് കര്‍ഷക കോണ്‍ഗ്രസ് ജില്ലാ നേതൃപഠന ക്യാംപ് 28ന് മഞ്ചേരി ഫര്‍സാ ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ പത്തിന് ആദ്യസെഷന്‍ മുന്‍ മന്ത്രി ആര്യാടന്‍ മുഹമ്മദ് ഉദ്ഘാടനം ചെയ്യും. 11.30ന് നടക്കുന്ന കാര്‍ഷിക സെമിനാറിന്റെ ഉദ്ഘാടനം കര്‍ഷക കോണ്‍ഗ്രസ് സംസ്ഥാന പ്രസിഡന്റ് ലാല്‍വര്‍ഗീസ് നിര്‍വഹിക്കും. വൈകിട്ട് നാലിന് നടക്കുന്ന സമാപന സമ്മേളനം കെ.പി.സി.സി സെക്രട്ടറി പി.ടി അജയ്‌മോഹന്‍ ഉദ്ഘാടനം ചെയ്യും.
എ.പി അനില്‍കുമാര്‍ എം.എല്‍.എ , വി.എ കരീം, കെ.പി അബ്ദുല്‍ മജീദ്, അഡ്വ. വി.വി പ്രകാശ്, ഇ. മുഹമ്മദ്കുഞ്ഞി, പ്രൊഫ.അബ്ദുല്‍ഹക്കീം, വി.എം സജിനി, ഡി.ഇ.ഒ മുഹമ്മദ് പനക്കല്‍ തുടങ്ങിയവര്‍ വിവിധ സെഷനുകളിലായി സംസാരിക്കും. കര്‍ഷക കോണ്‍ഗ്രസ് മണ്ഡലം പ്രസിഡന്റുമാര്‍, നിയോജകമണ്ഡലം ഭാരവാഹികള്‍, ജില്ലാ കമ്മിറ്റി അംഗങ്ങള്‍ എന്നിവരാണ് പങ്കെടുക്കുക. സ്വാഗതസംഘം ചെയര്‍മാന്‍ വി.പി പിറോസ്, കണ്‍വീനര്‍ സിയാദ് മാലങ്ങാടന്‍, ടി.പി ഉസ്മാന്‍, അബ്ദുല്‍സലാം തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.