ന്യൂഡല്‍ഹി: എല്‍.ഐ.സി ജീവനക്കാര്‍ക്കും രണ്ടാമത്തേയും നാലാമത്തെയും ശനിയാഴ്ചകളില്‍ അവധി നല്‍കാന്‍ കേന്ദ്ര സര്‍ക്കാര്‍ തീരുമാനം. ജീവനക്കാരുടെ ദീര്‍ഘകാലത്തെ ആവശ്യമാണ് ഇപ്പോള്‍ കേന്ദ്ര സര്‍ക്കാര്‍ അംഗീകരിച്ചത്.
പൊതുമേഖലാ ബാങ്കുകളിലെ ജീവനക്കാര്‍ക്ക് ലഭിക്കുന്നതിന് സമാനമായ അവധിയാകും എല്‍.ഐ.സി ജീവനക്കാര്‍ക്കും ലഭിക്കുക. നെഗോഷ്യബിള്‍ ഇന്‍സ്ട്രുമെന്റ് ആക്ടില്‍ ഇതുസംബന്ധിച്ച് മാറ്റം വരുത്തിയിട്ടുണ്ട്. രണ്ടാമത്തെയും നാലാമത്തെയും ശനിയാഴ്ചകളില്‍ അവധി നല്‍കിയാലും മറ്റുള്ള ശനിയാഴ്ചകളില്‍ പ്രവൃത്തി ദിനങ്ങളായതിനാല്‍ ഓഫിസിന്റെ പ്രവര്‍ത്തനത്തെ ഇത് ബാധിക്കില്ലെന്നും എല്‍.ഐ.സി പറയുന്നു. നിലവില്‍ എല്‍.ഐ.സി ജീവനക്കാര്‍ക്ക് ശനിയാഴ്ചകളില്‍ പകുതി ദിവസമാണ് ജോലിയുളളത്.