കൊച്ചി: സി.ജെ.പി പ്രതിഷേധങ്ങളുമായി ബന്ധപ്പെട്ട് രജിസ്റ്റര്‍ ചെയ്ത കേസുകള്‍ പരിശോധിക്കുമെന്ന് ആഭ്യന്തര മന്ത്രി രമേശ് ചെന്നിത്തല. സാധാരണ ഇത്തരം കേസുകള്‍ എടുക്കാറില്ലെന്നും എന്താണ് സംഭവിച്ചതെന്ന് പരിശോധിക്കാമെന്നും അദ്ദേഹം വ്യക്തമാക്കി. കൊച്ചിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു മന്ത്രി.

കാസര്‍കോട് ഇ.വി.എം ഹാക്കിങ് ആരോപണത്തിലും മന്ത്രി പ്രതികരിച്ചു. ഇ.വി.എം ഹാക്കിങ് നടക്കില്ലെന്നും അത്തരമൊരു ആരോപണം ആരെങ്കിലും ഉന്നയിച്ചിട്ടുണ്ടെങ്കില്‍ അത് ശരിയല്ലെന്നും അദ്ദേഹം പറഞ്ഞു. വിഷയത്തില്‍ പാര്‍ട്ടി വിശദമായി പരിശോധന നടത്തുമെന്നും നിലവില്‍ വ്യക്തതയില്ലാത്ത കാര്യങ്ങളാണിതെന്നാണ് തോന്നുന്നതെന്നും മന്ത്രി കൂട്ടിച്ചേര്‍ത്തു.

ALSO READ: എ.ഐയും ടെലഗ്രാമും കൂട്ടുപിടിച്ച് സൈബര്‍ തട്ടിപ്പ്; വ്യാജ ബാങ്ക് ആപ്പുകള്‍ നിര്‍മ്മിച്ച 18കാരന്‍ പിടിയില്‍ 

അവയവ കച്ചവടവുമായി ബന്ധപ്പെട്ട പരാതിയുടെ അടിസ്ഥാനത്തിലാണ് പ്രത്യേക അന്വേഷണസംഘം (എസ്.ഐ.ടി) രൂപീകരിച്ചതെന്ന് മന്ത്രി അറിയിച്ചു. എസ്.ഐ.ടി ഉടന്‍ അന്വേഷണം ആരംഭിക്കുമെന്നും അവയവ കച്ചവടം ഒരു സാഹചര്യത്തിലും അംഗീകരിക്കില്ലെന്നും കര്‍ശന നടപടികള്‍ സ്വീകരിക്കുമെന്നും അദ്ദേഹം പറഞ്ഞു.

മുന്‍മന്ത്രി പി.കെ. ശ്രീമതിക്കെതിരായ വ്യാജ പ്രചാരണത്തെയും മന്ത്രി അപലപിച്ചു. ആരാണ് പ്രചാരണം നടത്തിയതെന്നത് പരിശോധിച്ച് ശക്തമായ നടപടി സ്വീകരിക്കുമെന്നും മുഖ്യമന്ത്രി പരാതി കൈമാറിയിട്ടുണ്ടെന്നും അദ്ദേഹം പറഞ്ഞു. 'പി.കെ. ശ്രീമതിയെ പോലുള്ള ഒരാളെ മര്യാദയില്ലാതെ അപമാനിച്ചത് അംഗീകരിക്കാനാകില്ല,' എന്നും മന്ത്രി വ്യക്തമാക്കി.

തൊടുപുഴയില്‍ പൊലിസുകാര്‍ മദ്യപിച്ചെന്ന പരാതിയില്‍ ജില്ലാ പൊലിസ് മേധാവിയുടെ റിപ്പോര്‍ട്ട് ലഭിച്ച ശേഷം തുടര്‍നടപടി സ്വീകരിക്കുമെന്നും അദ്ദേഹം പറഞ്ഞു. 'ഓപ്പറേഷന്‍ തൂഫാന്‍' പരിപാടിയില്‍ പങ്കെടുക്കാന്‍ തമിഴ്‌നാട് മുഖ്യമന്ത്രി വിജയിയുടെ തീയതി ഇതുവരെ തീരുമാനിച്ചിട്ടില്ലെന്നും മന്ത്രി അറിയിച്ചു.

അതേസമയം, എക്‌സാലോജിക് സി.എം.ആര്‍.എല്‍ കേസുമായി ബന്ധപ്പെട്ട ചോദ്യങ്ങള്‍ക്ക് മന്ത്രി പ്രതികരിക്കാന്‍ തയ്യാറായില്ല.

Home Minister Ramesh Chennithala said that the cases registered in connection with the CJP protests will be reviewed. He clarified that such cases are usually not filed and that he will look into what actually happened. The minister was speaking to reporters in Kochi.