കൊട്ടിയം: ബൈക്കും കെ.എസ്.ആര്‍.ടി.സി ബസും കൂട്ടിയിടിച്ച് യുവാവ് മരിച്ചു. അപകടത്തില്‍ സഹയാത്രികനു ഗുരുതര പരുക്കേറ്റു. ചിറയിന്‍കീഴ് എ.എസ് സദനത്തില്‍ ശിശുപാലന്‍-അംബിക ദമ്പതികളുടെ മകന്‍ ബിജു(34) ആണു മരിച്ചത്. കൊട്ടിയം ഇ.എസ്.ഐ ആശുപത്രിക്കു സമീപം ഇന്നലെ രാവിലെ 8.30ഓടെയായിരുന്നു അപകടം. ഒപ്പമുണ്ടായിരുന്ന ചിറയിന്‍കീഴ് സ്വദേശി അജേഷ്‌കുമാര്‍(മണികണ്ഠന്‍ -28)നെ ഗുരുതര പരുക്കുകളോടെ അനന്തപുരി ആശുപത്രിയില്‍ പ്രവേശിപ്പിച്ചു. കെട്ടിടനിര്‍മാണത്തൊഴിലാളികളായ ഇവര്‍ ചിറയിന്‍കീഴില്‍ നിന്നു കൊട്ടിയം ഭാഗത്തേക്കുവരുന്ന വഴിയായിരുന്നു അപകടം. പരുക്കേറ്റ ഉടന്‍ തന്നെ ഇരുവരെയും കൊട്ടിയത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ബിജുവിന്റെ ജീവന്‍ രക്ഷിക്കാനായില്ല. സിന്ധുവാണ് ബിജുവിന്റെ ഭാര്യ. ദൃശ്യ ഏക മകളാണ്.