മരട്: മരട് തൈക്കൂട്ടം കായലില്‍ വീശു വലയെറിഞ്ഞപ്പോള്‍ കിട്ടിയത് ബൈക്ക് ഇന്നലെ വൈകിട്ടാണ് ഇടയ്ക്കിടെ വലവീശി കായലില്‍ നിന്നും മത്സ്യം പിടിക്കുന്ന സ്വഭാവക്കാരനായിരുന്ന ബിജു സേവ്യറിന്റെ വലയില്‍ ബൈക്ക് കുരുങ്ങിയത്.
നിര്‍മ്മാണ തൊഴിലാളിയായ ഇയാള്‍ ഇന്നലെ മഴയായതിനാല്‍ അവധിയെടുത്ത് വലവീശി നോക്കാം എന്നു കരുതിയത് .വല വീശി വലിച്ചു തുടങ്ങിയപ്പോള്‍ വല്ലാത്ത ഭാരം തോന്നി . സംശയം തോന്നിയ ഇദ്ദേഹം ഉടന്‍ പരിസരവാസികളെ സഹായത്തിന് വിളിച്ചു. വിവരമറിഞ്ഞെത്തിയ നഗരസഭ കൗണ്‍സിലര്‍ ആന്റണി ആശാം പറമ്പിലിന്റെ നേതൃത്വത്തില്‍ വടം കെട്ടി പൊക്കിയെടുക്കുകയായിരുന്നു ബൈക്ക്. ബൈക്കിലെ രജിസ്‌ട്രേഷന്‍ നമ്പര്‍ കെ.എല്‍ 7 ഡി 62 എന്നാണ് രേഖപ്പെടുത്തിയിരിക്കുന്നത്.
മരട് പോലീസ് സ്ഥലത്തി ബൈക്ക്കസ്റ്റഡിയില്‍ എടുക്കുകയും മറ്റു നടപടി സ്വീകരിക്കുയും ചെയ്തു. ബൈക്ക് ഇതര സംസ്ഥാനത്തെ താണോ എന്നും നമ്പര്‍ പ്ലയിറ്റിലെ പെയിന്റ് ചുരണ്ടി കളഞ്ഞു മറ്റൊരു നമ്പര്‍ എഴുതിയതാണോ എന്നും പോലീസ് സംശയിക്കുന്നു.