കഠിനംകുളം: നിയന്ത്രണംവിട്ട മാരുതി വാന്‍ ഇടിച്ച് വഴിയാത്രക്കാരന്‍ മരിച്ചു. ഇന്നലെ രാവിലെ തുമ്പ വലിയ വേളി ഹെല്‍ത്ത് സെന്ററിന് സമീപത്തായിരുന്നു അപകടം.
വലിയ വേളിതൈവിളാകം ഹൗസില്‍ ഗില്‍ബര്‍ട്ട് (58) ആണ് മരിച്ചത്. സ്‌കൂട്ടര്‍ യാത്രക്കാരനെ ഇടിച്ചു തെറിപ്പിച്ച വാന്‍ സമീപത്തെ മതിലിലിടിച്ചാണ് നിന്നത്. സ്‌കൂട്ടര്‍ യാത്രികനും മതിലിനും വാനിനും ഇടയില്‍പെട്ട് പതിനൊന്നുവയസുകാരനും പരുക്കേറ്റു. സ്‌കൂട്ടര്‍ യാത്രക്കാരനായ വലിയവേളി സ്വദേശി അലോഷ്യസ്(50), കാല്‍നടയാത്രക്കാരനായ ഷാജി (11) എന്നിവര്‍ക്കാണ്പരുക്കേറ്റത്. പെരുമാതുറയില്‍ നിന്ന് കൊച്ചുവേളി വഴി ചാക്കയിലേക്ക് വരികയായിരുന്ന വാനാണ് അപകടത്തില്‍പെട്ടത്.