കൊടുങ്ങല്ലൂര്‍: പുതുവത്സരാഘോഷത്തിന്റെ മറവില്‍ സ്‌കൂളിന് നേരെ ആക്രമണം. ശ്രീനാരായണപുരം പടിഞ്ഞാറെ വെമ്പല്ലൂര്‍ എം.ഇ.എസ് ഹയര്‍ സെക്കന്‍ഡറി സ്‌കൂളിന് നേരെയാണ് ആക്രമണമുണ്ടായത്.
സ്‌കൂളിന്റെ പ്രവേശന കവാടത്തിലെ സെക്യൂരിറ്റി റൂമിന്റെ ജനല്‍ചില്ലുകള്‍ അടിച്ചു തകര്‍ത്ത സാമൂഹ്യ വിരുദ്ധര്‍ പുല്‍ത്തകിടിയും, ചെടികളും നശിപ്പിച്ചു. അര്‍ദ്ധരാത്രിയോടെയായിരുന്നു സംഭവം.
ശബ്ദം കേട്ട് വാച്ച് മാന്‍ എത്തിയപ്പോഴേക്കും അക്രമികള്‍ രക്ഷപ്പെട്ടു. മതിലകം പൊലിസ് സ്ഥലത്തെത്തി അന്വേഷണം ആരംഭിച്ചു.
ആക്രമണം നടത്തിയവരെ ഉടന്‍ പിടികൂടണമെന്ന് സ്‌കൂള്‍ മാനേജ്‌മെന്റും പി.ടി.എ യും ആവശ്യപ്പെട്ടു.