മാഡ്രിഡ്: ക്രിസ്തുമസ് പുതുവത്സരാഘോഷങ്ങള്‍ക്ക് വിട ചൊല്ലി പുതുവര്‍ഷത്തില്‍ ലാലിഗയില്‍ വീണ്ടും പന്തുരുളുന്നു. പത്തു ദിവസത്തെ ഇടവേളക്ക് ശേഷം ലാലിഗ മത്സരങ്ങള്‍ക്ക് നാളെ തുടക്കമാവും.
ഇന്ന് രാത്രി രണ്ടിന് റയല്‍ മാഡ്രിഡും വിയ്യാറയലും തമ്മിലാണ് മത്സരം. 29 പോയിന്റുമായി പട്ടികയില്‍ നാലാം സ്ഥാനത്തുള്ള റയല്‍ മാഡ്രിഡിന് ഇനിയുള്ള മത്സരങ്ങളില്‍ ജയം അനിവാര്യമാണ്.
സീസണിന്റെ തുടക്കത്തില്‍ റയലിന് കാര്യമായ മുന്നേറ്റം നടത്താന്‍ സാധിച്ചിരുന്നില്ല. തുടര്‍ച്ചായ തോല്‍വിയും സമനിലയും ടീമിനെ ഏഴാം സ്ഥാനം വരെ എത്തിച്ചു. ഇവിടെ നിന്നാണ് നാലാം സ്ഥാനത്തേക്കുള്ള തിരിച്ചു വരവ്. യു.എ.ഇയില്‍ ക്ലബ് ലോകകപ്പ് സ്വന്തമാക്കിയ ശേഷം മികച്ച ഫോമിലാണ് റയല്‍.