മനാമ: ബഹ്‌റൈനില്‍ റമദാന്‍ പ്രമാണിച്ച് ട്രാഫിക് ജനറല്‍ ഡയറക്ടറേറ്റ് പ്രവര്‍ത്തന സമയത്തില്‍ മാറ്റം വരുത്തിയതായി അധികൃതര്‍ അറിയിച്ചു. വെഹിക്കിള്‍ ലൈസന്‍സ്, ഡ്രൈവിങ് ലൈസന്‍സ്, സാങ്കേതിക പരിശോധനാ വിഭാഗം ഉള്‍പ്പെടെയുള്ള ലൈന്‍സന്‍സ് കാര്യ ഡയറക്ടറേറ്റും ഡ്രൈവിങ് ലേണിങ് ഡയറക്ടറേറ്റും ഞായര്‍ മുതല്‍ വ്യാഴം വരെയുള്ള ദിവസങ്ങളില്‍ രാവിലെ 8 മുതല്‍ വൈകീട്ട് 5.30 വരെ പ്രവര്‍ത്തിക്കും. മറ്റു വിഭാഗങ്ങളില്‍ പ്രവര്‍ത്തനസമയം രാവിലെ 8 മുതല്‍ ഉച്ചയ്ക്കു 2 വരെ മാത്രമായിരിക്കും. കൂടുതല്‍ വിവരങ്ങള്‍ ട്രാഫിക് വിഭാഗം വെബ്‌സെറ്റില്‍ ലഭ്യമാണ്.