പാവറട്ടി: ജീവിതത്തിലെ ഗതിവിഗതികള്‍ തിരിച്ചറിയാന്‍ കഴിയാത്ത കൊച്ചുപ്രായത്തില്‍ കലാസാഹിത്യ രംഗത്തെ കഴിവ് എന്നതിലുപരി മനുഷ്യമൂല്യങ്ങളെ തിരിച്ചറിയാന്‍ സമസ്തയുടെ നേതൃത്വത്തില്‍ നടക്കുന്ന കലാമേളകള്‍ വലിയ പങ്കുവഹിക്കുന്നുവെന്ന് പാവറട്ടി സബ് ഇന്‍സ്‌പെക്ടര്‍ അരുണ്‍ ഷാ പറഞ്ഞു. പാലുവായ് റെയ്ഞ്ച് ജംഇയ്യത്തുല്‍ മുഅല്ലിമീന്‍ സംഘടിപ്പിച്ച ഇസ്്‌ലാമിക കലാമേള ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങില്‍ അവാര്‍ഡ് ദാനവും എസ്.ഐ നിര്‍വഹിച്ചു.
റെയ്ഞ്ച് പ്രസിഡന്റ് എന്‍.പി അബ്ദുല്‍ കരീം ഫൈസി പതാക ഉയര്‍ത്തി. പുതുമനശ്ശേരി മഹല്ല് പ്രസിഡന്റ് അബ്ദുല്‍ അസീസ് സുതാനത്ത് പതാക ഉയര്‍ത്തി. മന്‍സൂര്‍ അലി ദാരിമി മുഖ്യപ്രഭാഷണം നടത്തി. ടി. അബ്ദുല്‍റഹ്മാന്‍ മുസ്‌ലിയാര്‍, ടി. ഹംസ അന്‍വരി, പി.ഐ നൗഷാദ് മുസ്്‌ലിയാര്‍, റഷീദ് കുന്നിക്കല്‍, എ.വി.എം ബഷീര്‍ ദാരിമി, സവാദ് ഫൈസി, മൊയ്തുണ്ണി ഹാജി, എന്‍.പി യൂസഫ് ഹാജി, പി.കെ ഇബ്രാഹീം മുസ്‌ലിയാര്‍, മനാഫ് പുതുമനശ്ശേരി, റസാഖ് ഹാജി, മുഹമ്മദ് റഊഫ് മുസ്‌ലിയാര്‍, കെ.സി അബ്ദുല്ല സംസാരിച്ചു.