ഊട്ടി: ഊട്ടി ബോട്ടാണിക്കല്‍ ഗാര്‍ഡന്‍ സ്ഥാപിച്ച വില്യം ഗ്രഹാം മാക് ഐവറുടെ 140 ാം ചരമദിനത്തില്‍ അദ്ദേഹത്തെ അനുസ്മരിച്ചു. ഊട്ടി കലക്ടറേറ്റിന് സമീപത്തെ സ്റ്റീഫന്‍ ചര്‍ച്ചിലെ അദ്ദേഹത്തിന്റെ ശവകുടീരത്തില്‍ പുഷ്പാര്‍ച്ചന നടത്തി. കൃഷിവകുപ്പിന്റെ നേതൃത്വത്തില്‍ നടന്ന പരിപാടിക്ക് മീരാബായ്, ഡോ. രാംസുന്ദര്‍ എന്നിവര്‍ നേതൃത്വം നല്‍കി. 1876 ജൂണിലാണ് മാക് ഐവര്‍ മരിച്ചത്.
ഉരുളക്കിഴങ്ങ് കൃഷിചെയ്തിരുന്ന സ്ഥലത്തില്‍ 55 ഏക്കര്‍ ഗാര്‍ഡനാണ് ഇദ്ദേഹം സ്ഥാപിച്ചത്. വിദേശരാജ്യങ്ങളില്‍ നിന്ന് കപ്പല്‍ മാര്‍ഗമാണ് ഗാര്‍ഡനിലേക്കുള്ള സാധനങ്ങള്‍ കൊണ്ടുവന്നിരുന്നത്. 150 വര്‍ഷം പഴക്കമുള്ള മരങ്ങളും ഗാര്‍ഡനിലുണ്ട്.