ശ്രീനഗര്‍: ജമ്മു കശ്മിരിലെ രാജൗരി ജില്ലയില്‍ സൈന്യവും ഭീകരരും തമ്മിലുണ്ടായ ഏറ്റുമുട്ടലില്‍ ഒരു ഭീകരന്‍ കൊല്ലപ്പെട്ടു. ഇന്ന പുലര്‍ച്ചെ കെറി സെക്ടറിലാണ് സംഭവം.

മൂന്നോ നാലോ തീവ്രവാദികള്‍ ഒളിച്ചിരിപ്പുണ്ടെന്നാണ് വിവരം. പ്രദേശത്ത് ഭീകരരുടെ സാന്നിധ്യമുണ്ടെന്ന വിവരത്തെത്തുടര്‍ന്നു സുരക്ഷ സേന വളയുകയായിരുന്നു. ഇതിനിടെ ഭീകരര്‍ സൈന്യത്തിനു നേരെ വെടിയുതിര്‍ക്കുകയായിരുന്നു. സേനയുടെ തിരിച്ചടിയില്‍ ഒരു ഭീകരന്‍ കൊല്ലപ്പെടുകയും മറ്റുള്ളവര്‍ രക്ഷപ്പെടുകയും ചെയ്തു.

കൊല്ലപ്പെട്ട ഭീകരന്റെ പക്കല്‍ നിന്ന് എകെ47 തോക്കും സാമഗ്രികളും പിടിച്ചെടുത്തു.