ആലക്കോട്: അരങ്ങത്ത് ഭക്ഷ്യ വിഷബാധയേറ്റു പശുക്കള്‍ ചത്തു. ക്ഷീരകര്‍ഷകന്‍ വാവോലിക്കല്‍ ഗോപിയുടെ മൂന്നു പശുക്കളാണ് ചത്തത്. ഇന്നലെ പുലര്‍ച്ചെ തൊഴുത്തിലെത്തി നോക്കിയപ്പോഴാണു പശുക്കളെ ചത്തനിലയില്‍ കണ്ടത്. ഞായറാഴ്ച വൈകുന്നേരം നല്‍കിയ ആഹാരത്തില്‍ നിന്ന് വിഷബാധയേറ്റതായിരിക്കാം മരണകാരണമെന്നു കരുതുന്നു. രാത്രിയില്‍ തന്നെ ഒരു പശുവിന് അസ്വസ്ഥത ഉണ്ടായിരുന്നതായി വീട്ടുകാര്‍ പറഞ്ഞു. ആറുമാസം ഗര്‍ഭിണിയായ രണ്ടു പശുക്കളും ഒരു കിടാവുമാണു ചത്തത്. മുന്‍കാലങ്ങളില്‍ പശുക്കളെ ഇന്‍ഷൂര്‍ ചെയ്തിരുന്നുവെങ്കിലും ഇപ്പോഴുള്ളവയ്ക്ക് ഇന്‍ഷൂറന്‍സ് പരിരക്ഷ ഇല്ലാത്തതും തിരിച്ചടിയായി.