കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിന് അപേക്ഷിച്ച് കവര്‍ നമ്പര്‍ ലഭിക്കാത്തവര്‍ 28നകം ഹജ്ജ് കമ്മിറ്റി ഓഫിസില്‍ ഹാജരാകണം. പണമടച്ച റസിപ്റ്റ്, ഹജ്ജ് അപേക്ഷയുടേയും മറ്റു അനുബന്ധ രേഖകളുടെയും കോപ്പികളുമായി നേരിട്ട് ഹാജരാകണം. 2017ലെ ഹജ്ജിന് അപേക്ഷ സമര്‍പ്പിച്ച അപാകതകളില്ലാത്ത എല്ലാ അപേക്ഷകര്‍ക്കും കവര്‍ നമ്പരുകള്‍ എസ്.എം.എസ് ആയോ തപാല്‍ മുഖേനയോ അയച്ചിട്ടുണ്ട്. ഹജ്ജ് കമ്മിറ്റിയുടെ വെബ്‌സൈറ്റിലും ഇത് ലഭ്യമാണ്.

ഫെബ്രുവരി 28ന് ശേഷം ലഭിക്കുന്ന പരാതികള്‍ പരിഗണിക്കുന്നതല്ലെന്ന് ഹജ്ജ് കമ്മിറ്റി അറിയിച്ചു. കൂടുതല്‍ വിവരങ്ങള്‍ക്ക്:ഫോണ്‍: 0483 2710717, 2717571.