കൊടുങ്ങല്ലൂര്‍: മേത്തലയില്‍ കനത്ത മഴയില്‍ വീട് തകര്‍ന്നു. കടുക്ക ചുവട് ശ്രീനഗര്‍ നാളിയാട്ട് പുത്തന്‍ തുരുത്തില്‍ സതിയമ്മയുടെ ഓടു മേഞ്ഞ വീടാണ് ഏറെ കുറെ പൂര്‍ണമായും തകര്‍ന്നത്. അപകടത്തില്‍ ഒരു ആട് ചത്തു. മറ്റൊന്നിന് സാരമായി പരുക്കേറ്റു. അപകട സമയത്ത് വീടിനകത്ത് ഉണ്ടായിരുന്ന സതിയമ്മയുടെ മരുമകന്‍ സുരേഷ് (50) പരുക്കേല്‍ക്കാതെ രക്ഷപ്പെട്ടു. കഴിഞ്ഞ ദിവസം രാത്രി ഒന്‍പത് മണിയോടെയായിരുന്നു അപകടം.