ശ്രീകൃഷ്ണപുരം: തച്ചനാട്ടുകര ലെഗസി എ.യു.പി സ്‌കൂളിലെ അലിഫ് അറബിക് ക്ലബ്ബിന്റെ നേതൃത്വത്തില്‍ റമദാന്‍ മാസ ക്ലബ്ബ് പ്രവര്‍ത്തനങ്ങളുടെ ഭാഗമായി സ്‌കൂളിലെ മുഴുവന്‍ വിദ്യാര്‍ഥികള്‍ക്കും പങ്കെടുക്കാവുന്ന തരത്തില്‍ റമദാനിന്റെ മുഴുവന്‍ പ്രവൃത്തി ദിവസങ്ങളിലും അഞ്ച് വീതം ചോദ്യാവലി തയ്യാറാക്കി ഖുര്‍ആന്‍ മെഗാ ക്വിസ് ആരംഭിച്ചു. തുടര്‍ന്ന് ക്ലാസ് തല മത്സരങ്ങള്‍ നടത്തി വിജയികളെ പ്രഖ്യാപിക്കും. ഖുര്‍ആനിലെ ചരിത്ര സംഭവങ്ങളും, സാമൂഹിക, സംസ്‌ക്കാരിക , ശാസ്ത്രരംഗത്തും ഖുര്‍ആനിന്റെ പ്രഖ്യാപനങ്ങളും ജനങ്ങള്‍ക്കിടയിലുള്ള സ്‌നേഹവും സൗഹാര്‍ദ്ധവും നില നിര്‍ത്തുന്നതിനും കുടുംബ ബന്ധങ്ങള്‍ക്ക് ഖുര്‍ആന്‍ നല്‍കുന്ന പ്രാധാന്യവും വിദ്യാര്‍ഥികള്‍ക്ക് ചോദ്യാവലിയിലൂടെ മനസ്സിലാക്കാന്‍ കഴിയുന്നു. ഈ വര്‍ഷത്തെ ക്ലബ്ബ് പ്രവര്‍ത്തനങ്ങളുടെ ഉദ്ഘാടനം വിദ്യാര്‍ഥികള്‍ക്ക് ചോദ്യാവലി നല്‍കി വാര്‍ഡ് മെമ്പര്‍ .കെ. ടി.ജലീല്‍ മാസ്റ്ററും ,ഹെഡ്മാസ്റ്റര്‍ സി.എം ചന്ദ്രന്‍ മാസ്റ്ററും ചേര്‍ന്ന് നിര്‍വഹിച്ചു. യോഗത്തില്‍ അറബി അധ്യാപകരായ കെ. ഹസൈനാര്‍, ഇ.കെ അബ്ദുല്‍ സമദ് , ടി.സലിന എന്നിവര്‍ നേതൃത്വം നല്‍കി. എം. സെതലവി, ഫിറോസ് ഖാന്‍, പി.കെ.ഗീത, ക്ലബ്ബ് കണ്‍വീനര്‍മാരായ പി.ടി ഹിബ , ടി.പി .മുഫീദ എന്നിവര്‍ പ്രസംഗിച്ചു.