കരുനാഗപ്പള്ളി: കുലശേഖരപുരം പുത്തന്‍തെരുവ് കാട്ടും പുറത്ത് ജങ്ഷനില്‍ ഹര്‍ത്താലിന്റെ മറവില്‍ പ്രകടനവുമായി എത്തിയ സംഘ്പരിവാര്‍ പ്രവര്‍ത്തകര്‍ കടകള്‍ അടിച്ചുതകര്‍ക്കുകയും സി.പി.എമ്മിന്റെ കൊടിമരങ്ങളും ഫ്‌ളക്‌സ് ബോര്‍ഡുകളും അടിച്ചുതകര്‍ത്തു ബൈക്കുകള്‍ തീയിട്ട് നശിപ്പിച്ചതിന് പിന്നില്‍ ആസൂത്രിതമായ കലാപത്തിനുള്ള ശ്രമമായിരുന്നു.
എന്നാല്‍ കരുനാഗപ്പള്ളി പൊലിസ് അക്രമസമയത്ത് നോക്കുകുത്തിയായി മാറിയതായി ആക്ഷേപം ശക്തമാണ്. അക്രമികളെ പിടികൂടാനും അക്രമം തടയാനും വേണ്ട പൊലിസ് സന്നാഹം ഉണ്ടായിട്ടും സംഘിപരിവാര്‍ ശക്തികളെ സംരക്ഷിക്കുന്ന നിലപാടാണ് പൊലിസ് സ്വീകരിച്ചതെന്നാണ് ആക്ഷേപം.