ഇരിങ്ങാലക്കുട: കോണത്തുകുന്ന് കടലായിയില്‍ സഹോദരനെ കുത്തി കൊല്ലാന്‍ ശ്രമിച്ച കേസില്‍ നാരായണമംഗലം സ്വദേശി വെന്‍മനശ്ശേരി വീട്ടില്‍ സേതുമാധവന്‍ എന്നയാളെ ഇരിങ്ങാലക്കുട സര്‍ക്കിള്‍ ഇന്‍സ്‌പെക്ടര്‍ എം .കെ സുരേഷ് കുമാര്‍ അറസ്റ്റു ചെയ്തു.
കുടുംബ കലഹത്തെ തുടര്‍ന്ന് ഇന്നലെ രാത്രി ഒന്‍പത് മണിക്ക് കടലായിയിലെ കുടുംബ വീട്ടില്‍ വച്ച് സഹോദരന്‍ പാരിഷിനെ(50) പ്രതി കത്തി കൊണ്ട് വയറ്റില്‍ കുത്തുകയായിരുന്നു. ഗുരുതര പരുക്ക് പറ്റിയ പാരിഷിനെ കൊടുങ്ങല്ലൂരിലെ സ്വകാര്യ ആശുപത്രിയില്‍ തീവ്രപരിചരണ വാര്‍ഡില്‍ പ്രവേശിപ്പിച്ചിരിക്കുകയാണ്.