കോഴിക്കോട്: വിദ്യാഭ്യാസ, സാമൂഹിക, സാംസ്‌കാരിക മേഖലകളിലെ സമഗ്ര സംഭാവന പരിഗണിച്ച് കേരള എയ്ഡഡ് ഹയര്‍ സെക്കന്‍ഡറി ടീച്ചേഴ്‌സ് അസോസിയേഷന്‍ നല്‍കുന്ന ഡോ. യു.ആര്‍ അനന്തമൂര്‍ത്തി പുരസ്‌കാരത്തിന് പ്രൊഫ. കല്‍പ്പറ്റ നാരായണനെ തിരഞ്ഞെടുത്തതായി കെ.എ.എച്ച്.എസ്.ടി.എ സംസ്ഥാന പ്രസിഡന്റ് ഡോ. ജോഷി ആന്റണി അറിയിച്ചു. 10,001 രൂപയും പ്രശസ്തി പത്രവും അടങ്ങുന്നതാണ് പുരസ്‌കാരം. മാര്‍ച്ച് മൂന്നിന് തേഞ്ഞിപ്പലത്ത് നടക്കുന്ന സംസ്ഥാന സമ്മേളനത്തില്‍ പുരസ്‌കാരം സമര്‍പ്പിക്കും.