കര്‍വാര്‍: ഇന്ത്യന്‍ നാവികസേനയുടെ കപ്പലായ ഐ.എന്‍.എസ് വിക്രമാദിത്യയിലുണ്ടായ വാതക ചോര്‍ച്ചയെതുടര്‍ന്ന് രണ്ട് പേര്‍ മരിച്ചു. നാവിക സേന ഉദ്യോഗസ്ഥനായ രാകേഷ് കുമാര്‍, തൊഴിലാളിയായ മോഹന്‍ദാസ് കോലമ്പ്കര്‍ എന്നിവരാണ് മരിച്ചത്. വിഷവാതകം ശ്വസിച്ച് രണ്ട് പേരെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചിരിക്കുകയാണ്. കര്‍ണാടകയിലെ കര്‍വാറിലെ മാലിന്യ സംസ്‌കരണ പ്ലാന്റില്‍ വച്ച് വെള്ളിയാഴ്ച വൈകീട്ട് അഞ്ചു മണിയോടെയായിരുന്നു അപകടം.

കപ്പലിലെ മലിനജല ശുദ്ധീകരണ പ്ലാന്റ് വൃത്തിയാക്കുന്നതിനിടെയാണ് അപകടം. ഐ.എന്‍.എസ് വിക്രമാദിത്യ അറ്റകുറ്റപ്പണികള്‍ക്കായി കഴിഞ്ഞ ജൂണ്‍ ഒന്നിനാണ് കര്‍ണാടകയിലെ കര്‍വാറില്‍ കൊണ്ടുവന്നത്. അത്യാധുനിക സജ്ജീകരണങ്ങളോടു കൂടിയുള്ള ഇന്ത്യയിലെ ഏറ്റവും വലിയ വിമാന വാഹിനി കപ്പലാണ് ഐ.എന്‍.എസ് വിക്രമാദിത്യ.