പയ്യോളി: മൂടാടിയിലെ സി.പി.എം വനിതാ നേതാവിന്റെ വീടിനു നേരെ കല്ലേറ്. ആക്രമണത്തില്‍ വീടിന്റെ ജനല്‍ചില്ലുകള്‍ തകര്‍ന്നു. ജനാധിപത്യ മഹിളാ അസോസിയേഷന്‍ മൂടാടി മേഖല ജോയിന്റ് സെക്രട്ടറിയും അങ്കണവാടി വര്‍ക്കേഴ്‌സ് യൂനിയന്‍ (സി.ഐ.ടി.യു) ഏരിയാ സെക്രട്ടറിയും സി.പി.എം പാലക്കുളം ബ്രാഞ്ച് അംഗവുമായ ആതിര നിവാസില്‍ വിജയലക്ഷ്മിയുടെ വീടിനു നേരെയാണ് അക്രമം. ശനിയാഴ്ച പുലര്‍ച്ചെയാണു സംഭവം. ഇതു മൂന്നാം തവണയാണ് വിജയലക്ഷ്മിയുടെ വീടിനു നേരെയുള്ള ആക്രമണം. സംഭവവുമായി ബന്ധപ്പെട്ട് കൊയിലാണ്ടി പൊലിസ് കേസെടുത്തു.