മലപ്പുറം: ജാമിഅ ഫെസ്റ്റ് ഫിനാലെക്ക് നാളെ തുടക്കമാകും. കേരളം, തമിഴ്‌നാട്, കര്‍ണാടക സംസ്ഥാനങ്ങളിലായി പ്രവര്‍ത്തിക്കുന്ന 61 സ്ഥാപനങ്ങളില്‍നിന്നും തിരഞ്ഞെടുക്കപ്പെട്ട വിദ്യാര്‍ഥികള്‍ ഫിനാലെയില്‍ മാറ്റുരക്കും.
നേരത്തെ അഞ്ചുമേഖലകളില്‍ നടന്ന മത്സരത്തില്‍ ഒന്ന്, രണ്ട് സ്ഥാനങ്ങള്‍ നേടിയവരാണ് ഫെസ്റ്റ് ഫിനാലെയില്‍ മാറ്റുരയ്ക്കുക. സെക്കന്‍ഡറി, ഹയര്‍സെക്കന്‍ഡറി വിഭാഗങ്ങളിലായി നൂറ്റിപ്പതിനേഴ് ഇനങ്ങളിലായാണ് മത്സരം നടക്കുക.
നാളെ വൈകിട്ട് 6.30ന് നടക്കുന്ന ഉദ്ഘാടന സമ്മേളനം സമസ്ത കേരള ജംഇയ്യത്തുല്‍ ഉലമ ജന.സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. കോട്ടുമല മൊയ്തീന്‍ കുട്ടി മുസ്‌ലിയാര്‍ അധ്യക്ഷനാകും. പി. അബ്ദുല്‍ ഹമീദ് എം.എല്‍.എ, അഡ്വ.എന്‍. സൂപ്പി, പുത്തനഴി മൊയ്തീന്‍ ഫൈസി, ഹംസ റഹ്മാനി കൊണ്ടിപ്പറമ്പ്, സ്വലാഹുദ്ദീന്‍ ഫൈസി വല്ലപ്പുഴ, ഹംസ ഫൈസി അല്‍ ഹൈതമി, ളിയാഉദ്ദീന്‍ ഫൈസി, സുലൈമാന്‍ ഫൈസി, മുഹമ്മദലി ഫൈസി, ടി.എച്ച് ദാരിമി, ഉമര്‍ ഫൈസി സംസാരിക്കും.