പുതുക്കോട്ട: ശബരിമല തീര്‍ഥാടനം കഴിഞ്ഞ് മടങ്ങിയ തെലങ്കാന സ്വദേശികളായ 10 പേര്‍ അപകടത്തില്‍ മരിച്ചു. തമിഴ്‌നാട്ടിലെ പുതുക്കോട്ട ജില്ലയില്‍ തിരുമായം ബൈപാസില്‍ ഇവര്‍ സഞ്ചരിച്ച വാനില്‍ ലോറി ഇടിച്ചായിരുന്നു അപകടം. ഇന്നലെ ഉച്ചക്ക് 2.30ഓടെയായിരുന്നു അപകടം. 15 പേരായിരുന്നു വാനിലുണ്ടായിരുന്നത്.
തീര്‍ഥാടകര്‍ സഞ്ചരിച്ച വാനിലേക്ക് ലോറി ഇടിച്ചുകയറുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. അപകടം നടന്ന ഉടന്‍ തന്നെ ലോറി ഡ്രൈവര്‍ സ്ഥലത്തുനിന്ന് ഓടി രക്ഷപ്പെട്ടു. അഞ്ചുപേര്‍ സംഭവ സ്ഥലത്തും മറ്റുള്ളവര്‍ ആശുപത്രിയിലേക്ക് പോകും വഴിയുമാണ് മരിച്ചത്. പരുക്കേറ്റ അഞ്ചുപേരെ പുതുക്കോട്ട മെഡിക്കല്‍ കോളജ് ആശുപത്രിയിലേക്ക് മാറ്റിയതായി പൊലിസ് അറിയിച്ചു.