അബൂദബി: ഏഷ്യന്‍കപ്പ് ഫുട്‌ബോളില്‍ നിലവിലെ ചാംപ്യന്മാരെ കെട്ടുകെട്ടിച്ച് ജോര്‍ദാന്‍. ഇന്നലെ നടന്ന മത്സരത്തില്‍ ആസ്‌ത്രേലിയയെയാണ് ജോര്‍ദാന്‍ എതിരില്ലാത്ത ഒരു ഗോളിന് തകര്‍ത്തത്.
26ാം മിനുട്ടില്‍ അനസ് ബാനി യാസീന്‍ ആണ് ഹെഡ്ഡറിലൂടെ ജോര്‍ദാന്റെ വിജയഗോള്‍ നേടിയത്. ഇത് തുടര്‍ച്ചയായ രണ്ടാം കിരീടം ലക്ഷ്യമിട്ടെത്തിയ ആസ്‌ത്രേലിയക്ക് തിരിച്ചടിയായി.
ഗ്രൂപ്പ് ബിയില്‍ ഇനി ഫലസ്തീനെയും സിറിയയെയും പരാജയപ്പെടുത്തിയാല്‍ മാത്രമേ ആസ്‌ത്രേലിയക്ക് കിരീട പ്രതീക്ഷ നിലനിര്‍ത്താനാവൂ. ഉദ്ഘാടന മത്സരത്തില്‍ ബഹ്‌റൈനും യു.എ.ഇയും ഓരോ ഗോള്‍ വീതം നേടി സമനില പാലിച്ചിരുന്നു.