മുക്കം: കൃഷിപാഠം പുസ്തകത്താളില്‍ ഒതുങ്ങേണ്ടതല്ലെന്ന് അനുഭവത്തിലൂടെ തിരിച്ചറിയുകയായിരുന്നു കാരശ്ശേരി പടക്കോംപാടത്ത് നെല്ല് കൊയ്‌തെടുത്ത് കാരശ്ശേരി എച്ച്.എന്‍.സി.കെ.എം.എ യു.പി സ്‌കൂളിലെ കാര്‍ഷിക ക്ലബ്ബ് അംഗങ്ങളും കാരശ്ശേരി തിബിയാന്‍ സ്‌കൂള്‍ വിദ്യാര്‍ഥികളും.
നിലമൊരുക്കിയത് മുതല്‍ കൊയ്ത്തുത്സവം വരെയുള്ള പ്രവര്‍ത്തനങ്ങളില്‍ വിദ്യാര്‍ഥികള്‍ പങ്കാളികളായി. അരിവാളേന്തി വയലിലിറങ്ങിയ കുട്ടികള്‍ക്ക് പ്രോത്സാഹനം നല്‍കിയും മധുരം നല്‍കിയും നാട്ടുകാരും രക്ഷിതാക്കളും അണിനിരന്നു. കൊയ്ത്തുത്സവത്തിന് കൃഷി അസിസ്റ്റന്റ് ഓഫിസര്‍ സിന്ധു, പി.ടി.സി മുഹമ്മദ്, ജൈവകര്‍ഷക സമിതി മുക്കം മേഖല കണ്‍വീനര്‍ അബ്ദു പൊയിലില്‍, പി.കെ.സി മുഹമ്മദ്, ടി.പി അബൂബക്കര്‍, കളത്തിങ്ങല്‍ മുഹമ്മദ് ഹാജി, പി.സി ആലി, സുന്ദരന്‍ ചാലില്‍, ടി. മധുസൂദനന്‍, അശ്‌റഫ് കളത്തിങ്ങല്‍, കെ.പി മന്‍സൂര്‍, കെ. മുനീഷ്, മുഹമ്മദ് കക്കാട്, പി.ഡി ടോമി, വി.എസ് മോഹനന്‍, കെ. അബ്ദുറസാഖ്, സി.കെ സിദ്ധീഖ്, നാസര്‍ തച്ചാട്ടുതൊടി, സലീം ചെറുകയില്‍ തുടങ്ങിയവര്‍ നേതൃത്വം നല്‍കി.