പേരൂര്‍ക്കട: വീട്ടമ്മയെ വീടിനുള്ളില്‍ കത്തിക്കരിഞ്ഞ നിലയില്‍ കണ്ടെത്തി. മണ്ണന്തല പ്രണവം നഗര്‍ വേലായുധ വിലാസത്തില്‍ ശാന്തകുമാരിയമ്മ (68) ആണ് മരിച്ചത്. ഇന്നലെ രാവിലെ 7 മണിക്കായിരുന്നു അത്യാഹിതം. വീട്ടില്‍ മകള്‍ക്കൊപ്പമാണ് ശാന്തകുമാരിയമ്മ താമസിച്ചുവന്നിരുന്നത്. മകള്‍ തന്റെ കുട്ടിയെ സ്‌കൂളില്‍ വിടുന്നതിനു പോയി തിരികെയെത്തിയപ്പോഴാണ് ശാന്തകുമാരിയമ്മയുടെ മൃതദേഹം കണ്ടെത്തിയത്. പാചകവാതകം ചോര്‍ന്ന് തീപിടിച്ചതാണെന്നായിരുന്നു ആദ്യം കരുതിയിരുന്നത്. എന്നാല്‍ ഗ്യാസ് സിലിന്‍ഡറിന് പ്രശ്‌നമൊന്നുമുണ്ടായിരുന്നില്ല എന്നു പരിശോധനയില്‍ കണ്ടെത്തി.
മണ്ണെണ്ണയൊഴിച്ച് തീ കൊളുത്തിയതാകാമെന്നാണു കരുതുന്നത്.പരേതനായ ശശിധരന്‍ നായരാണ് ഭര്‍ത്താവ്. മക്കള്‍: സുജ, ശ്രീജ.