മഞ്ചേരി: മഞ്ചേരി പയ്യനാട്ട് ആര്‍.എസ്.എസ് പ്രവര്‍ത്തകന് വെട്ടേറ്റു. പയ്യനാട് അത്താണിക്കല്‍ കറുത്തേടത്ത് അര്‍ജുനാ (24) ണ് വെട്ടേറ്റത്. പരുക്കേറ്റ ഇയാളെ കോഴിക്കോട് മെഡിക്കല്‍ കോളജില്‍ പ്രവേശിപ്പിച്ചു. ഇന്നലെ ഉച്ചയ്ക്കു രണ്ടരയോടെയാണ് സംഭവം.  അത്താണിക്കലില്‍ റോഡരികിലുള്ള ഷെഡില്‍ സുഹൃത്തുക്കള്‍ക്കൊപ്പം ഇരിക്കുമ്പോള്‍ രണ്ടു ബൈക്കുകളിലായെത്തിയ നാലംഗ സംഘമാണ് വെട്ടിപ്പരുക്കേല്‍പ്പിച്ചത്.
മുതുകിലും കൈയിലും കാലിനും വെട്ടേറ്റിട്ടുണ്ട്. അക്രമികള്‍ ഒരു ബൈക്ക് ഉപേക്ഷിച്ചാണ് രക്ഷപ്പെട്ടത്. സംഭവത്തില്‍ പൊലിസ് അന്വേഷണം ആരംഭിച്ചു. പ്രദേശത്ത് മഞ്ചേരി സി.ഐ എന്‍.കെ ബൈജുവിന്റെ നേതൃത്വത്തില്‍ ശക്തമായ സുരക്ഷയേര്‍പ്പെടുത്തിയിട്ടുണ്ട്.