ന്യൂഡല്‍ഹി: ന്യൂസിലന്‍ഡിനെതിരായ ടി20യില്‍ ധവാന്‍ കളിക്കില്ല. ബംഗളൂരുവില്‍ ആസ്‌ത്രേലിയയ്‌ക്കെതിരായ പരമ്പരയിലെ മൂന്നാം മത്സരത്തില്‍ തോളെല്ലിനു പരുക്കേറ്റ ധവാന്‍ കളിക്കില്ലെന്ന് നേരത്തേ സൂചന നല്‍കിയിരുന്നു. എന്നാല്‍ ഇന്നലെയാണ് ബി.സി.സി.ഐ ഇക്കാര്യം ഔദ്യോഗികമായി സ്ഥിരീകരിച്ചത്. ടി20യില്‍ താരത്തിന് പകരമായി കേരള താരം സഞ്ജു സാംസണിനെയും ഏകദിനത്തില്‍ പൃഥ്വി ഷായേയും ഉള്‍പ്പെടുത്തി. ന്യൂസിലന്‍ഡിലേക്ക് പറന്ന ടീമിനൊപ്പം താരം ഉണ്ടായിരുന്നില്ല.
മത്സരത്തിന് പിന്നാലെ മൈതാനം വിട്ട താരം പിന്നീട് ബാറ്റിങ്ങിനും ഇറങ്ങിയില്ല. താരത്തിന് പകരം കെ.എല്‍ രാഹുലാണ് ഓപ്പണിങ്ങില്‍ ഇറങ്ങിയത്. നേരത്തേ കാല്‍മുട്ടിനേറ്റ പരുക്ക് മൂലം ധവാന്‍ വെസ്റ്റ് ഇന്‍ഡീസ് പരമ്പരയില്‍ നിന്നും വിട്ടുനിന്നിരുന്നു. മുന്‍പ് നടന്ന ലോകകപ്പിലെ ഇടവേളയിലും താരം ടീമില്‍നിന്ന് ഒഴിവായിരുന്നു.