ലണ്ടന്‍: ഇംഗ്ലീഷ് ഫുട്‌ബോള്‍ ലീഗ് കപ്പില്‍ ടോട്ടനത്തോട് തോറ്റ് ചെല്‍സി. എതിരില്ലാത്ത ഒരു ഗോളിനായിരുന്നു ചെല്‍സിയുടെ തോല്‍വി. 26-ാം മിനുട്ടില്‍ നായകന്‍ ഹാരി കെയ്‌നിന്റെ ഗോളിലാണ് ടോട്ടനം ചെല്‍സിയെ പരാജയപ്പെടുത്തിയത്. പന്തുമായി ചെല്‍സി ബോക്‌സിലെത്തിയ കെയ്‌നെ വീഴ്ത്തിയതിനായിരുന്നു ടോട്ടനത്തിന് അനകൂലമായി പെനാല്‍റ്റി വിധിച്ചത്. വാറിന്റെ സഹായത്തോടെയാണ് റഫറി ടോട്ടനത്തിന് അനുകൂലമായി പെനാല്‍റ്റി വിധിച്ചത്. പന്ത് സ്വീകരിക്കുമ്പോള്‍ താരം ഓഫ്‌സൈഡാണോയെന്ന സംശയത്തെ തുടര്‍ന്നാണ് റഫറി വാറിന്റെ സഹായം തേടിയത്. മികച്ച ഫോമിലുള്ള ടോട്ടനം ഗോള്‍കീപ്പറാണ് ഗോള്‍ വഴങ്ങുന്നതില്‍ നിന്ന് ടീമിനെ രക്ഷിച്ചത്. മികച്ച സേവുകള്‍ നടത്തിയ ടോട്ടനം ഗോള്‍കീപ്പര്‍ പൗളോ ഗസ്സാനികയാണ് മാന്‍ ഓഫ് ദ മാച്ച്.
ഹോംഗ്രൗണ്ടണ്ടായ സ്റ്റാംഫോര്‍ഡ് ബ്രിഡ്ജില്‍ നടക്കാനിരിക്കുന്ന രണ്ടണ്ടാം പാദത്തില്‍ തിരിച്ചടിക്കാമെന്ന ആത്മവിശ്വാസത്തിലാണ് ചെല്‍സി.