കോഴിക്കോട്: ദീപിക ദിനപത്രത്തില്‍ തനിക്കെതിരെ വന്ന ലേഖനത്തിന് മറുപടിയുമായി സിസ്റ്റര്‍ ലൂസി കളപ്പുരക്കല്‍. വൈദികരുടെ തെറ്റ് മറച്ചുവെച്ച് തന്നെ ആക്രമിക്കുകയാണെന്ന് ലൂസി പറഞ്ഞു.

പുരോഹിതര്‍ക്ക് ബ്രഹ്മചര്യം വേണ്ടെന്ന ലേഖനത്തിലെ വാദം തെറ്റാണ്. പല വൈദികരും ബ്രഹ്മചര്യം പാലിക്കുന്നില്ല എന്നതാണ് വസ്തുത എന്നും അവര്‍ കൂട്ടിച്ചേര്‍ത്തു.

ഇന്നത്തെ ദീപിക പത്രത്തിലാണ് സിസ്റ്റര്‍ ലൂസിക്കെതിരെ ലേഖനം വന്നത്. കത്തോലിക്കാ സന്യാസം വീണ്ടും അപഹസിക്കപ്പെടുമ്പോള്‍ എന്ന തലക്കെട്ടില്‍ നോബിള്‍ പാറയ്ക്കലാണ് ലേഖനം എഴുതിയിരിക്കുന്നത്.

സിസ്റ്ററുടെ പേര് പരാമര്‍ശിക്കാതെയാണ് എഡിറ്റോറിയല്‍ പേജിലെ ലേഖനം.