ബേക്കല്‍: വനിതാ മതിലിനിടെ ചേറ്റുകുണ്ടിലുണ്ടായ സി.പി.എം-ബി.ജെ.പി സംഘര്‍ഷത്തിനിടെ മാധ്യമ പ്രവര്‍ത്തകരെ അക്രമിച്ച ശേഷം കാമറ തകര്‍ക്കുകയും മോഷ്ടിക്കുകയും ചെയ്ത കേസില്‍ മുഖ്യപ്രതിയായ സി.പി.എം പ്രവര്‍ത്തകനെ പൊലിസ് അറസ്റ്റു ചെയ്തു. അട്ടേങ്ങാനത്തെ സുകുമാരനെ(55)യാണ് ബേക്കല്‍ എസ്.ഐ കെ.പി വിനോദ് കുമാറിന്റെ നേതൃത്വത്തിലുള്ള സംഘം അറസ്റ്റു ചെയ്തത്. സംഘര്‍ഷത്തിന്റെ രംഗം ചിത്രീകരിക്കുകയായിരുന്ന റിപ്പോര്‍ട്ടര്‍ എം.ബി ശരത്ചന്ദ്രന്‍, കാമറാമാന്‍ ടി.ആര്‍ ഷാന്‍, ചാനല്‍ റിപ്പോര്‍ട്ടര്‍ ഷഹദ് റഹ്മാന്‍, കാമറാമാന്‍ രഞ്ജു ജി.എന്‍.എസ് എന്നിവരെയാണ് സുകുമാരന്റെ നേതൃത്വത്തിലുള്ള സി.പി.എം സംഘം അക്രമിച്ചത്. ഷാനിനെ നിലത്തിട്ട് ചവിട്ടുകയും മതിലിനിടിക്കുകയും ചെയ്തിരുന്നു.