ചെറുവത്തൂര്‍:  അല്‍ അഖ്‌സ ദര്‍സ് കാടങ്കോട്  ദ്വിദിന റമദാന്‍ പ്രഭാഷണം സംഘടിപ്പിച്ചു.  മാണിക്കോത്ത് ഖത്തീബ് കബീര്‍ ഫൈസി ഉദ്ഘാടനം ചെയ്തു.  മുസ്തഫ അശ്‌റഫി കക്കുപ്പടി അധ്യക്ഷനായി. സിംസാറുല്‍ ഹഖ് ഹുദവി അബൂദാബി മുഖ്യ പ്രഭാഷണം നടത്തി.  സമാപന സമ്മേളനം തൃക്കരിപ്പൂര്‍ സംയുക്ത ജമാഅത്ത് പ്രസിഡന്റ് ടി.കെ  പൂക്കോയ തങ്ങള്‍ ഉദ്ഘാടനം ചെയ്തു. മുസ്തഫ ഹുദവി ആക്കോട് മുഖ്യ പ്രഭാഷണം നടത്തി. തുടര്‍ന്ന് നടന്ന  മജ്‌ലിസുന്നൂറിനും സമാപന ദുആ സമ്മേളനത്തിനും കോഴിക്കോട് ഖാസിയും മജ്‌ലിസുന്നൂര്‍ സംസ്ഥാന അമീറുമായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കി. സയ്യിദ് ഹുസൈന്‍ തങ്ങള്‍ അല്‍ അസ്ഹരി പട്ടാമ്പി, കെ സി മുഹമ്മദ് ബാഖവി, മുഹമ്മദ് സഅദി, മുഹമ്മദലി ഫൈസി, പി.പി മുസ്തഫ, ടി.സി കുഞ്ഞബ്ദുല്ല സംബന്ധിച്ചു.