മലപ്പുറം: കുന്നക്കാവ് ഹില്‍ടോപ്പ്  പബ്ലിക് സ്‌കൂള്‍ വാര്‍ഷിക പരിപാടികള്‍ 28 മുതല്‍ മാര്‍ച്ച് രണ്ടു വരെ നടക്കും. സിറ്റാറ്റോ 2017 സയന്‍സ് എക്‌സിബിഷന്‍, തന്‍സീല്‍ ഡേ, സ്‌കൂള്‍ വാര്‍ഷികം  എന്നിവയാണ് നടക്കുക. മജീഷ്യന്‍ ഷഹബാസ് ഖാന്റെ മാജിക് ഷോ, ജെ സി  സ്‌പെയ്‌സ് സംഘടിപ്പിക്കുന്ന പ്ലാനിറ്റോറിയം, ത്രീ ഡീ ഷോ, ഫുഡ്‌ഫെസ്റ്റ്,  കരകൗശല വസ്തു പ്രദര്‍ശനം, വിദ്യാര്‍ഥികളുടെ വര്‍ക്കിംഗ് മോഡല്‍, ആര്‍ട്ട  ഗാലറി, ബുക്ക് ഫെയര്‍ എന്നിവയുമുണ്ടാവും.
മാര്‍ച്ച് ഒന്നിന് വൈകിട്ട് ഏഴിന് ഖുര്‍ ആന്‍ പണ്ഡിതന്‍ നൗഷാദ് കാക്കവയലിന്റെ നേതൃത്വത്തില്‍ ഖുര്‍ ആന്‍ അസ്വാദക സദസ് നടക്കും.  രണ്ടിന് വൈകിട്ട് ഏഴിന് സ്‌കൂള്‍  വാര്‍ഷികോത്സവം നടന്‍ മാമുക്കോയ ഉദ്ഘാടനം ചെയ്യും.
സിവില്‍ സര്‍വീസ്  പരിശീലനം പെരിന്തല്‍മണ്ണ സബ് കലക്ടര്‍ ജാഫര്‍ മാലിക്  ഉദ്ഘാടനം  ചെയ്യും. വാര്‍ത്താ സമ്മേളനത്തില്‍ വിദ്യാര്‍ഥികളായ സി അര്‍ച്ചന, കെ നൂഹ ജെബിന്‍, പി  റിയാന, ഒ കെ നഫ്‌ല, എ മുഹമ്മദ് അബ്ദുല്‍ ഹസീബ് പങ്കെടുത്തു.